Продолжува напредокот кон полноправно членство во НАТО алијансата откако унгарскиот парламент едногласно со 153 гласа „за“ го ратификуваше Протоколот за пристапување на нашата земја во најмоќниот безбедносен сојуз, велат од владејачката СДСМ.
Од таму додаваат дека досега 19 од 29 држави го ратификувале Протоколот и дадле зелено светло за пристапување на државава во алијансата.
„Темпото со кое државите-членки го ратификуваат Протоколот потврдува дека наскоро нашата држава станува 30 земја членка на НАТО. Се остварува децениски национален и државен интерес. Приклучувањето во НАТО покрај безбедноста и сигурноста, носи и економски придобивки, повеќе странски инвестиции, нови работни места, повисоки плати и повисок животен стандард“, се нагласува во соопштението на СДСМ во кое се додава дека како државотворна и одговорна партија тие остануваат посветени на остварување на врвните национални и стратешки интереси.
