Опозициската ВМРО-ДПМНЕ преку соопштение посочи дека во првите четири месеци од оваа година власта има реализирано 9,83 проценти од капиталните инвестиции кои самите ги планирале.
Од ВМРО-ДПМНЕ коментираат дека пострашно е тоа што капиталните инвестиции за истиот период минатата година изнесувале само 10,96 проценти, а 2018 била најлошата година во претходните 10 години.
„Тоа ни говори дека оваа година власта нема да реализира ниту 30 проценти од капиталните инвестиции и дека 2019 година ќе биде најлошата година во историјата на државата“, велат од ВМРО-ДПМНЕ преку соопштение.
Опозицијата додава дека додека граѓаните се незадоволни од неработата на Владата, премиерот Зоран Заев ја занимава јавноста со внaтрепартиски комбинаторики и борба за превласт, а ВМРО-ДПМНЕ верува дека тоа е со цел Заев да ја избегне сопствената одговорност за, како што велат, катастрофалното водење на државата изминативе две години.
НАЈЧИТАНО НА ИНТЕРНЕТ...
