19. октомври 2025
Centar.mk – Вести, бизнис, забава, спорт…
МАКЕДОНИЈА

Притвор за Бугаринот кој се обиде да шверцува мигранти на Табановце

Судот му определи 30-дневен притвор на бугарскиот државјанин кој се обиде да шверцува мигранти преку граничниот премин Табановце.

Црински службеници при преглед на товарно возило „форд транзит“ со бугарски национални ознаки откриле мигранти во покривниот дел од возилото, во наменски приспособен простор.

Од Основното јавно обвинителство за гонење организиран криминал и корупција сооштија дека мигрантите се по потекло од Ирак, а Бугаринот ги презел од Солун со намера да ги превезе илегално кон западноевропските земји.

„Осомничениот во текот на вчерашниот ден од користољубие, илегално пренесувал осум лица – мигранти со потекло од Ирак. Тој, со комбе марка ‘форд транзит’ со бугарски регистарски таблички, со цел илегално да ги превезе до западноевропските земји ги прифатил мигрантите во Солун. Во импровизиран бункер во кровниот дел на возилото ги сместил во легната положба и поминувајќи го граничниот премин Богородица, преку автопатот Е 75 пристигнал на граничниот премин Табановце“, соопштија од Основното јавно обвинителство за гонење на организиран криминал и корупција.

Можеби ќе ве интересира

Сите гласови од немоќните, болните и затворениците се запечатени во посебни коверти и гласачка кутија, истата се отпечатува дури во недела во 19 часот кога ќе бидат затворени гласачките места низ Републиката

ДЕСК

Утре се слави Светиот апостол Тома

ДЕСК

Закани кон членови на Избирачки одбори и вработени од кандидат за градоначалник – обвинува политичка партија

ДЕСК