Секогаш во средиштето на збиднувањата...

Две тешки несреќи во Македонија – има повредени

фото: Centar.mk

Две страшни несреќи се случија вчера во Македонија, едната во прилепско, другата во Гостивар, а прегазени се двајца пешаци.

Во 20.40 часот во селото Обрашани, прилепско, патничко возило „Голф“ со битолски регистарски ознаки, управувано од 51-годишниот С.Б. од селото Пашино Рувци, прилепско, удрило во 53-годишниот пешак П.Ш. кој се здобил со тешки повреди и му била укажана помош во болницата во Прилеп.

Потоа, во 23.00 часот на булевар „Гоце Делчев“ во Гостивар, патничко возило „Цитроен“ со гостиварски регистарски ознаки, управувано од 49-годишниот Г.Р. од Гостивар, удрило во пешак. Се работи за 66-годишната З.А. од село Трново, гостиварско која се здобила со тешки телесни повреди и и била укажана помош во комплексот клиники „Мајка Тереза“ во Скопје.

Увид на местото извршила екипа од Полициската станица Гостивар.

Во тренд…