Во вечерашната дебата меѓу претседателските кандидати на МРТ, Стево Пендаровски побара став од Гордана Силјановска Давкова како ќе ја внесе Македонија во ЕУ кога таа е против договорите со Грција и Бугарија.
-Интересно е во дебата во дебата, не можеме да добиеме став од Силјановска, како ќе влезете во ЕУ ако сте против договорите со Бугарија и Грција. Ако имате експлицитен негативен став, тогаш вие зборувате само празна политичка реторика, рече Пендаровски.
На ова Силјановска одговори дека како претседател таа сепак ќе ги почитува овие договори.
-Тажно е кога не се прави разлика меѓу Гордана како научник и Гордана како политичар. Како научник ќе ги критикувам недостатоците, но како претседател ќе ги почитувам двата договори, одговори Силјановска.
