Апсолутно не станува збор за никаква цензура, нашите политики во однос на слободата на говорот можат да се видат и низ призмата на извештаите на Репортери без граници, каде што Република Северна Македонија има отскокнување за 15 позиции кон позитива, рече на прес-конференција портпаролот на СДСМ, Костадин Костадинов.
„Тоа укажува на третманот на оваа Влада предводена од Социјалдемократскиот Сојуз на Македонија со коалицијата, кон медиумите, кон новинарите.
Не може ВМРО-ДПМНЕ, коешто затвораше медиуми, не може ВМРО-ДПМНЕ, чијшто лидер и поранешен премиер беше и главен уредник во вестите, да зборува за новинарството. Таму каде што не можеше, правеше притисок.
Знаеме, а и вие новинарите најдобро знаете, каков беше односот за време на режимот на ВМРО-ДПМНЕ кон новинарите и кон медиумите“, истакна Костадинов.
НАЈЧИТАНО НА ИНТЕРНЕТ...
