Македонската полиција излезе со детали за тешката сообраќајка која што синоќа се случи кај Драчево, а во која загинаа пет лица, меѓу кои и малолетно девојче, за која што цела ноќ во повеќе наврати известуваше Centar.mk.
Синоќа во 23.40 часот на бул.„ Борис Трајковски “ во Скопје се случила сообраќајна несреќа помеѓу товарно возило „Мерцедес“ со скопски регистарски ознаки, управувано од М.Ј.(44) од Скопје “ и патничко возило „Рено 5“ со скопски регистарски ознаки, управувано од Ј.Л.(43) од Скопје, информират од МВР.
Во несреќата возачот Ј.Л. и сопатниците во возилото „Рено“ – С.Н., А.Т. (54) од Скопје, Е.Т. (37) од Скопје и И.А. (40) од Скопје починале на местото на настанот, додека, пак, возачот на товарното возило – М.Ј. се здобил со повреди и бил пренесен во Градската општа болница „Св.Наум Охридски“ каде му била укажана лекарска помош и бил задржан на понатамошно лекување.
Увид на местото извршил Јавен обвинител и увидна екипа на СВР Скопје. По наредба на Јавен обвинител телата на починатите биле предадени за обдукција
НАЈЧИТАНО НА ИНТЕРНЕТ...
