Папата Лав ја нагласи потребата од континуиран дијалог за постигнување праведен и траен мир за време на средбата со украинскиот претседател Володимир Зеленски, соопшти Ватикан.
„Папата ја повтори потребата од континуиран дијалог и изрази желба сегашните дипломатски иницијативи да донесат праведен и траен мир без одложување“, се вели во соопштението.
„Беа дискутирани и прашањата за воените заробеници и потребата да се обезбеди враќање на украинските деца во нивните семејства“, соопшти Ватикан, кој посредува меѓу Киев и Москва за прашањето на децата.
Зеленски денеска се сретна со папата во папската резиденција Кастел Гандолфо, 30-ина километри југоисточно од Ватикан, а подоцна во текот на денот треба да се сретне и со италијанската премиерка Џорџа Мелони во Рим./Извор:Makfax
ПОПУЛАРНО НА ИНТЕРНЕТ...
