Претседателот на Собранието, Африм Гаши, оствари средба со амбасадорот на Кралството Шпанија, Рафаел Сориано Ортис.
Претседателот Гаши истакна дека Шпанија е наша пријателска земја, со која сме сојузници во НАТО, со надеж дека тоа ќе се случи и во рамките на Европската Унија. Парламентарната соработка може да се зајакне на ниво на Пратеничките групи за соработка, кои континуирано се формираат во двете Собранија.
Одбележувањето на 30-годишнината од воспоставувањето билатерална соработка меѓу Шпанија и нашата земја, шпанскиот амбасадор ја укажа како можност за зајакнување на оваа соработка на повеќе полиња, како политичко, економско, социјално, културно. Тој остави отворена врата за поддршка и помош на европскиот пат. Парламентарната дипломатија ја укажа како силна алатка за зајакнување на меѓусебните односи.
Со оглед на новиот мандат на двата соговорника, вербата е дека во овие години соработката меѓу двете земји ќе се издигне на едно значително ниво, со зближување на Собранијата, земјите, народите.
Фото: Собрание
