Градоначалникот на Струмица, Костадин Костадинов вчера завршил на инфузија откако вдишал чад при гаснењето на пожарите.
-Пожарникарите-спасители изразуваат голема благодарност за денешниот чекор на Градоначалникот Костадинов со кој реши да не награди сите со по 10 000 денари и како прв го вреднуваше нашиот труд. Ниту фотографии ниту видеа и прес конференции, Градоначалникот Костадинов беше рамо до рамо со нас пожарникарите и несебично помагаше во гаснењето, организираше механизација, овошје, вода, електролити за сите нас. Во еден момент кога ескалираше пожарот вдишувајќи многу чад мораше да прими инфузија. Но не се откажа ниту на било кој начин се обиде тоа да го експлоатира. Ти благодариме Градоначалниче за подршката и да останеме сите со добро здравје“, напишаа пожарникарите од Струмица во својата објава на „Фејсбук“.
Костадинов ја сподели фејсбук-објавата на струмичката противпожарна бригада и напишa:
„Ви благодарам браќа на жртвата ваша за цела Струмица! Да бидеме сите во добро здравје.“
Тој најави и дека струмичките пожарникари ќе добијат бонус од 10 000 денари за трудот и справувањето со пожарите./Извор:Makfax
НАЈЧИТАНО НА ИНТЕРНЕТ...
