„ВМРО-ДПМНЕ ризикува да го уништи сопствениот партнер, Влен, ако ескалираа оваа приказна со Грци и Бугари на врат, затворање на европската перспектива“ рече новинарот Борјан Јовановски во поткастот „Политиканти“ на „Слободен печат“.
Тој додаде дека за година и половина од сега, кога се локалните избори, доколку европската агенда не заживее со владата предводена од ВМРО-ДПМНЕ, Влен може да исчезне од политичката сцена.
„Замисли ги ДУИ, ако од сега до локалните избори оваа европска перспектива влезе во кал. Ќе се вратат, ќе го девастираат Влен“ рече Јовановски.
Заедно со ководителот Сашо Ордановски, се согласија дека можеби понекогаш е потребно да се игра и да се прави притисок кон меѓународната заедница, но тоа што ВМРО-ДПМНЕ го прави сега не е притисок врз Брисел, за побрзо членство и отворање на европската перспектива, туку се провокации кон Атина.
НАЈЧИТАНО НА ИНТЕРНЕТ...
