Сите ние во одреден момент од животот моравме да се справиме со пожолтените перници.
Редовно миење
Промената на бојата се јавува како резултат на потење додека спиеме, па тоа не е нешто што можете да го избегнете. Иако дефинитивно не изгледа одлично и важно е редовно да ги миете навлаките и перниците, не треба да се грижите доколку пожолтат, пишува Mirror.
За среќа, не мора да купувате скапи средства за отстранување дамки, бидејќи еден експерт за чистење тврди дека постои овошје што можете да го користите.
Ребека Свејн, експерт од компанијата Winston’Beds, инсистираше на тоа дека чистењето на навлаките за перници е од клучно значење бидејќи оставањето дамки на нив долго време може да доведе до појава на бактерии, па дури и мувла.
Но, чистењето на самото место не мора да биде скапо бидејќи има многу природни производи за чистење што можете да ги користите наместо тоа.
Лимон и оцет
Најдобриот совет од експертите е да користите сок од лимон за чистење на навлаките за перници. Таа препорача да се исцедат два лимона на саканите места пред да се измијат во машина за перење.
– Киселината ќе помогне да се избели жолтилото, а се што треба да направите е нежно да ги избришете предметите како душекот. Оставете го да делува 30 минути и потоа избришете го – изјавила Ребека.
Алтернативно, можете да користите алкохолен оцет, кој е омилен производ на љубителите на природни средства за чистење. За да користите оцет, Ребека предлага да додадете три чаши оцет во машината за перење заедно со постелнината за свежина.
Ребека исто така препорачува саканите предмети од кои сакате да ги отстраните жолтите дамки да ги натопите преку ноќ во сок од лимон за најдобри резултати.
Таа предупреди и дека навлаките за перници треба да се мијат еднаш или двапати неделно, а перницата еднаш на секои три недели.
