Лицемерно е ВМРО-ДПМНЕ да зборува за Договорот, бидејќи се уште молчат и не кажуваат кога и каде да го видат Договорот иако тоа им беше понудено, рече пратеникот на СДСМ, Миле Талевски во гостувањето во „Топ тема“.
-Во залоништво ја држат целата држава за Договорот да им биде даден на увид. Предложивме да одберат време, место и Комисија за да го видат Договорот, но ВМРО-ДПМНЕ молчи. Кажете кога и каде сакате да ви биде Договорот ставен на увид, рече Талевски.
Тој повтори дека од ВМРО-ДПМНЕ веќе седми ден нема одговор на предлогот.
-Врз основа на Законот за класифицирани информации има соодветна процедура за тоа како се разгледуваат таквите документи, дополни Талевски.
Тој додаде дека криминал и корупција има само во главите на ВМРО-ДПМНЕ.
-Криминал и корупција имаше кога злоупотребија 25 милиони од кинеските патишта, за што имаат предмет „Траекторија“. ВМРО-ДПМНЕ сакаше проектот за коридорите да го закочи и се што кажаа излажаа. Птво го зборуваа надзорот, па сега веќе надзорот повеќе не го споменуваат, потоа го бараа Договорот сега не кажуваат кога, истакна пратеникот.
