Веќе знаете дека четкањето на забите два пати на ден е основа за добра дентална хигиена, но дали знаевте дека треба да престанете да ја плакнете устата по миењето?
Ако ова е и ваша навика, не е ништо страшно бидејќи повеќето од нас го прават тоа, но тој метод не е најдобар. Еве што за оваа навика вели експерт д-р. Едмонд Хјулит.
Флуоридот е важна состојка во пастата за заби која му помага на глеѓта да остане тврда и поотпорна на киселините кои предизвикуваат кариес. Хјулит наведува дека тоа е најквалитетната состојка во пастата која е многу ефикасна, затоа погрижете се да ја има во вашата паста за заби.
Кога ги миете забите, ги чистите сите наслаги од храна и бактерии, а кога ќе го прескокнете плакнењето на пастата по миењето, можете да сметате на подобриот ефект од таа состојка. Почекајте околу 15 минути по четкањето за да пиете вода.
По миењето на забите, плунката сама ќе ги исчисти остатоците од пастата, па нема да ја чувствувате цел ден.
Ако само што сте слушнале за овој трик, можеби ќе помислите дека сте ги поништиле сите ефекти од четкањето на забите. Но, тоа не е вистина. Хјулит вели дека не треба да се грижите ако ги четкате забите два пати на ден бидејќи важните состојки сепак ќе останат во усната шуплина и ќе делуваат како заштита. Идејата да не се плакне пастата е само чекор понатаму за да се направи пастата уште поефикасна. „Кога се мери количеството на флуор во плунката, ако пастата не се исплакне, има повеќе. Но, дури и да ја исплакнете усната шуплина, ништо страшно нема да се случи.
Ако немате кариес, продолжете да користите паста за заби со флуор и оваа идеја за четкање веројатно нема да ви направи голема разлика. Од друга страна, за луѓето кои често се борат со расипување на забите, прескокнувањето на плакнењето е веројатно добра идеја.
Причината за појава на кариес може да биде прекумерното консумирање на засладени пијалоци, изборот на погрешна храна или прескокнувањето на четкање на забите.
На прашањето дали да се користи вода за плакнење после миење заби, стоматологот одговара:
„Можете, но ако содржи барем флуор бидејќи ефектот ќе биде ист, а ако не го содржи, тогаш се е исто како да сте ги измиле забите со вода.
