Основното јавно обвинителство Скопје врши истрага против едно лице за кое постои основано сомнение дека сторило кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.
Во дрвен плакар на поткровјето од зградата во која живее, осомничениот 21-годишен скопјанец неовластено за продажба држел наркотична дрога – кокаин и марихуана.
При претресот на 4 јули, полициските службеници пронашле вкупно 4,79 грама кокаин и 25,01 грам марихуана, спакувани во повеќе помали пакувања наменети за препродажба. Кај осомничениот била пронајдена и дигитална вага со траги од наркотична дрога.
Надлежниот јавен обвинител до судијата за претходна постапка при Основниот кривичен суд Скопје достави предлог за определување мерка куќен притвор за осомниченото лице.
НАЈЧИТАНО НА ИНТЕРНЕТ...
