Луѓето кои предолго седат пред компјутер имаат пократок животен век и се склони на разни болести, предупредуваат лекарите.
Работата во канцеларија бара седечка положба поголемиот дел од времето.
А после работа, многумина остатокот од денот го поминуваат главно во седечка положба и покрај тоа што експертите советуваат поголема физичка активност.
Според научните списанија, предолгото седење влијае на синапсите во мозокот и го зголемува ризикот од деменција, но и срцев удар, дијабетес, мозочен удар, висок крвен притисок и високи нивоа на холестерол во крвта.
Тромбозата се јавува кога има затнување на вените на нозете, а тоа главно се јавува кај луѓе кои седат предолго. Кога седите подолго време, нозете ви отекуваат и ве болат. Затоа е неопходно да се прават паузи во работно време и да се прошета.
Исто така, премногу време пред екранот (компјутер, телефон, ТВ) влијае на засилените симптоми на анксиозност и го нарушува квалитетот на сонот.
Кој може нека оди на работа пешки или со велосипед. Исто така, важно е да пешачите секоја вечер пред спиење, барем половина час.
Лекарите советуваат и спортување со семејството или пријателите – куглање, билијард, пешачење, бадминтон, одбојка…
НАЈЧИТАНО НА ИНТЕРНЕТ...
