Денеска се очекува променливо облачно време, претпладне со повремени локални врнежи од дожд.
Наместа, според УХМР, во јужните делови врнежите ќе бидат поројни, проследени со појава на грмежи. Ќе дува засилен до силен ветер од северен правец, кој повремено ќе надминува брзина и над 60 км/час. Минималната температура ќе биде во интервал од 8 до 15, а максималната ќе достигне од 19 до 27 степени. УВ=6
Во Скопје времето ќе биде променливо облачно со повремени врнежи од дожд. Ќе дува засилен, повремено силен ветер од северен правец. Минималната температура ќе се спушти до 12, а максималната ќе достигне до 24 степени.
Во следните денови времето ќе биде стабилно, в четврток и в петок со ниски утрински температури, а дневните од сабота ќе бидат во позначителен пораст.
Локална појава на нестабилност проследена со пороен дожд и грмежи се очекува в недела.
