Сезоната на алергии започна, а придружена е со постојано кивање, течење на носот и печење, суви очи и чешање.
Иако повеќето луѓе сакаат зелени дрвја, зелена трева и цветни леи, поленот од растенија предизвикува голем број на алергиски реакции.
Според Allergy Ireland, околу 25 проценти од сите Европејци страдаат од некој облик на респираторна алергија, а се верува дека тоа ќе се зголеми на 50 проценти во следните десет години.
Оние кои боледуваат од поленска треска треба да имаат при рака антихистаминици и да го посетат својот општ лекар доколку им е многу тешко да го толерираат цветањето на природата, но во меѓувреме ова се неколку начини за ублажување на симптомите.
Сончева светлина и сино ведро небо? Сосема е природно да сакате да ги отворите прозорците. За жал, ова може да ослободи различни честички во вашиот дом, затоа обидете се да избегнувате отворање доцна наутро и доцна попладне, а исто така и во текот на ноќта, кога нападот на поленска треска е на својот врв.
Вазелинот е евтин и лесен за употреба кога имате суви усни, очни капаци или испукана кожа, а исто така може да ви помогне да го смирите и заштитите носот. Обидете се да го намачкате во секоја ноздра за да ја ублажите болката и да спречите поленот да влезе во ноздрите.
Ако очите ви протекуваат и не можете да престанете да кивате, истуширајте се со ладна вода. Ќе ви ги ублажи симптомите, а добро би било да ја измиете косата доколку сте поминале подолго време на отворено. Доколку туширањето во некои ситуации не ви е практично, ставете ладна крпа на лицето и легнете неколку минути.
Искористените кесички чај можат да помогнат во ублажување на отокот на очите. Искористените кесички чај ставете ги во фрижидер и користете ги како ладна облога за да го ублажите отокот и да го смирите чешањето на очите. Може да ви помогнат и парчиња краставица.
