Владата предводена од СДСМ внимателно ја следи состојбата во Украина, агресијата врз Украина е закана за европскиот и светскиот мир, но и за глобалната економија, порача претседателот на СДСМ, Димитар Ковачевски во објава на социјалната мрежа Фејсбук.
„Владата ја следи многу внимателно состојбата во Украина. Безбедносната состојба во нашата земја е стабилна и во овој момент не постои директна закана за безбедноста на Северна Македонија. Покрај безбедносната состојба, Владата одблиску ги следи и промените во светските економски текови кои се дестабилизирани од новонастанатата состојба. Владата како и досега ќе делува максимално одговорно и во најдобар интерес на заштита на домашната економија и финансиската состојба на граѓаните.“ порача Ковачевски.
Како одговорна партија, преку институциите што ги предводиме ќе сториме се, последиците од конфликтот во Украина врз домашната економија да бидат што помали и што послаби.
И во време на глобални безбедносни, економски и здравствени кризи, остануваме посветени на заштита на економскиот стандард на граѓаните и унапредување на домашната економија.
НАЈЧИТАНО НА ИНТЕРНЕТ...
