Она што го констатира извештајот на ЕИУ, на светско ниво е дека демократизацијата претрпела пресврт во 2021 година, при што процентот на луѓе кои живеат во демократија паднал под 50 отсто, а авторитарните режими зајакнале.
Кога станува збор за земјите од Источна Европа извештајот ги насловува како „Некои добри вести од источна Европа“, со оглед на тоа што беше еден од регионите со најлошите резултати за време на постоењето на Индексот за демократија. Источна Европа ги надмина сите други региони во 2021 година, избегнувајќи пад на нејзиниот регионален просечен резултат. Три земји (Молдавија, Црна Гора, Северна Македонија) ги подобрија своите резултати доволно за да бидат надградени од „хибридни режими“ до „неисправни демократии“.
Кај Северна Македонија, која исто така беше надградена на статусот „неправилна демократија“ или „демократија со недостатоци“, е забележано скромна но сепак подобрувања во функционирањето на владата. Во октомври 2021 година, во земјата беа спроведени општински избори. Како одговор на поразот на неговата партија на изборите, премиерот и лидерот од владејачката партија Зоран Заев порача дека ќе ја преземе одговорноста и ќе се повлече од двете негови позиции. Довербата во политичките партии, која и понатаму е неверојатно ниска, маргинално се подобри во 2021 година споредено со 2020 година, според Балканскиот барометар.
Со подигнувањето на индексот Северна Македонија влегува во групата пред која се само земјите со „полна демократија“, но извештајот забележува и назадување и кај некои европски држави, како на пример Шпанија која од земја со „Целосна демократија“, падна во групата во која е сега и Македонија.
