Фејсбук статус на Љупчо Николовски:
Северна Македонија покажа силна одлучност и отвореност за соработка со меѓународните партнери во сузбивањето на корупцијата и криминалот. Во тој контекст, даваме поддршка на нашиот стратешки партнер Соединетите Американски држави за чекорите кои ги презема за борба против корупцијата и добро владеење во Западен Балкан. Одлучните антикорупциски чекори се охрабрување за земјите од регионот да ги продолжат реформите и бескомпромисната борба против корупцијата и криминалот.
Ние, земјите од Западен Балкан, имаме една заедничка цел, а тоа е преку спроведување на неопходни реформи и комплетно прифаќање на демократските вредности и владеењето на правото, да бидеме дел од европското семејство.
