Солениот, крцкав помфрит е омилена закуска за милиони луѓе ширум светот од повеќе причини.
Првата причина е секако фантастичниот вкус, како втора можеме да ја споменеме леснотијата при подготовка, а како трета, прифатливата цена. Додека првите две ставки во нашите тврдења се точни, за третата, т.е. цената дефинитивно може да се дискутира, барем доколку сте слушнале за Serendipity3, иконски ресторан во Њујорк, кој нуди помфрит од 200 американски долари – „Crème de la crème pommes frites“.
Овој ексклузивен помфрит скоро влезе во Гинисовата книга на рекорди по својата неверојатна цена, со што ја зеде титулата најскап помфрит. Подготвен како дел од прославата на Националниот ден на помфритот – 13 јули, компирите се дело на готвачот Џо Калдероне, креативен директор на ресторанот и на готвачот Фредерик Шон-Киверт, извршен директор на компанијата „ Serendipity3 “.
За да ја достигне неверојатната цена, помфритот се подготвува од компири Чипербек, бланширан со шампањ Дом Перињон и оцет од француски шампањ J.еј ЛеБлан. Потоа се пржи три пати во чиста маснотија од гуска, добиена од слободни гуски, одгледувани на југот на Франција.
Следно, помфритот е зачинет со сол од тартуф Гуеранде, рачно изработена од истоименото место во Франција, масло од урбан летен тартуф, Крит Сенеси Пекорино Тартуфело, што е направено од овчо млеко и црни летни тартуфи од Умбрија.
Коментирајќи го своето ремек-дело, Џо Калдероне рече:
„Чест ни е што нашата креација, најскап помфрит на светот, е препозната од страна на Гинисовата книга на рекорди , и со нетрпение очекуваме да создадеме уште повеќе декадентни деликатеси во иднина.
Конечно, можеме да кажеме дека можете да го пробате Crème de la Crème Pommes Frites во овој ресторан, со претходна најава.
