Владата се простува со Марија: Полна оптимизам и ведар дух – беше дел од кабинетите на петмина вицепремиери

Вицепремиерот за економски прашања Фатмир Битиќи објави дека починала Марија Мустачка која била дел од кабинетите на петмина вицепремиери.

-Со голема жал соопштувам дека ја изгубивме нашата колешка и пријателка, Марија Мустачка. И благодарам за нејзината посветена работа во Владата, како дел од кабинетите на четворица вицепремиери пред мене и за нејзината безрезервна доверба и поддршка на колегите и тимот. Марија беше со ведар дух, секогаш полна оптимизам и отвореност за соработка. Упатувам искрено сочуство до нејзиното семејство, моите мисли се со вас. Нека почива во мир, напиша Битиќи на ФБ.