Техничкиот премиер, Оливер Спасовски, повика на дисциплина и одговорност од страна на граѓаните и сите да се придржуваат на препораките кои веќе ги издаде Министерството за здравство.
Тој рече дека институциите се подготвени за справување со корона-вирусот, но со оглед на веќе потврден случај во Македонија, рече дека сега е многу важно да не се пласираат лажни вести и ги повика медиумите на максимална одговорност. Спасовски исто така замоли да не се злоупотребуваат социјалните мрежи и да се шири паника.
