Во местото Сељашница, во близина на Пријепоље во Србија, е пронајдена неексплодирана бомба за која се претпоставува дека потекнува од Втората светска војна. Експлозивната направа ја забележале локални жители, кои веднаш ја известиле полицијата.
Полициски службеници излегле на терен и го обезбедиле просторот околу местото на пронаоѓање. Според локалните информации, во понеделник се очекува да пристигне специјализиран тим за деминирање што треба безбедно да ја отстрани направата.
Во околината на Пријепоље и претходно биле пронаоѓани заостанати експлозивни средства, вклучително и во коритото на реката Лим. Надлежните ги предупредуваат граѓаните да не допираат сомнителни предмети и веднаш да ја известат полицијата.
