Јужен Судан воспостави прв регистар за рак, со цел систематско собирање податоци за заболените и подобро планирање на здравствените услуги. Светската здравствена организација на 9 ноември објави дека регистарот бил официјално отворен на 5 ноември во Универзитетската наставна болница во Џуба, со поддршка од СЗО, Меѓународната агенција за истражување на ракот и други партнери.
Според претходните процени на меѓународните институции, во Јужен Судан во 2024 година имало повеќе од 8.000 нови случаи на рак и повеќе од 5.000 смртни случаи поврзани со болеста. Новиот регистар треба да помогне процените постепено да се заменуваат со систематски собрани податоци од здравствените установи. Информациите ќе се користат за планирање на превенцијата, раното откривање и лекувањето.
