Рускиот претседател Владимир Путин предложил одржување самит следниот месец со американскиот претседател Доналд Трамп и кинескиот лидер Ши Џинпинг, со цел да се преговара за ставање крај на четиригодишниот конфликт во Украина под услови поволни за Москва, објави „Волстрит журнал“.
Повикувајќи се на поранешен руски разузнавачки функционер, весникот во неделата објави дека Путин го изнел овој предлог за време на телефонски разговор со Трамп на 9 октомври. Според „Волстрит журнал“ (WSJ), во текот на истиот разговор наводно бил постигнат и договор САД да купуваат руски дизел и да овозможат негова продажба на глобалниот пазар.
Американскиот претседател Доналд Трамп ги запре новите санкции против Русија – кои претходно беа одобрени од Конгресот – и најави договор за дизел со Кремљ; повеќето економисти сметаат дека овој договор нема да придонесе за намалување на цените на нафтата во Соединетите Држави.
Порака од американската влада
Во меѓувреме, Украина во голема мера се потпира на американската поддршка – вклучително и разузнавачки податоци за противвоздушна одбрана, како и сателитскиот интернет сервис „Старлинк“. Пристапот до овие ресурси беше делумно ограничен откако Трамп изврши притисок врз Киев да престане со нападите врз руските рафинерии за нафта.
Украинскиот претседател Володимир Зеленски изјави дека ваквите потези му даваат поддршка на Путин, толкувајќи ги ограничувањата на дострелот на украинските контранапади како „порака“ од американската влада. Зеленски наведе дека САД повторно споделуваат разузнавачки податоци со Украина, но истовремено предупреди дека неговата земја би ја изгубила одбранбената војна против Русија доколку Соединетите Држави ја променат страната и застанат на страната на Москва./Извор:Makfax
