Сообраќајот на државните патишта утрово се одвива по претежно суви коловози, со умерен интензитет надвор од градските средини. Според утринскиот извештај за состојбата на патиштата, на граничните премини од македонска страна нема пријавени подолги задржувања за влез и излез од државата.
Возачите сепак се предупредуваат на можност од појава на одрони, особено на делниците Катланово–Велес, Маврово–Дебар–Струга, Виница–Берово и Кочани–Делчево. На овие правци внимателното возење и приспособувањето на брзината кон состојбата на патот остануваат особено важни, иако не се пријавени поголеми пречки во редовното одвивање на сообраќајот.
