Министерот за транспорт Александар Николоски изјави дека очекува наскоро да профункционираат карго и патничките возови меѓу Прилеп и Битола. Железничкото поврзување се гледа како начин да се намали притисокот врз патниот сообраќај додека трае изградбата на автопатот и се користи стариот пат како алтернатива.
Карго-линијата би требало да биде значајна и за стопанството, особено за транспортот на стока и производи од Пелагонискиот Регион. Засега нема прецизиран датум за првиот воз.
