Продолжуваат истражните дејствија по големата операција „Филтер“, во која Царинската управа откри организиран систем за шверц на цигари и избегнување давачки кон државата од над 377 милиони денари, односно повеќе од шест милиони евра.
Во седум откриени случаи во нелегален промет биле пуштени 69.350.000 цигари. Кривични пријави се поднесени против три правни и 18 физички лица, меѓу кои полициски и царински службеници, а при вчерашните претреси на 23 локации биле приведени 13 лица. Истрагата продолжува и можно е да бидат опфатени дополнителни лица.
