Соопштение на ВМРО ДПМНЕ:
Владата на ВМРО-ДПМНЕ со конкретни проекти, законски решенија и инвестиции ги поставува темелите на современ и ефикасен систем за заштита на животната средина, усогласен со европските стандарди.
Реформите на Владата на ВМРО-ДПМНЕ носат почиста животна средина и поефикасни услуги за сите граѓани.
Во рамките на Реформската агенда веќе се преземаат конкретни чекори за намалување на бирократијата и подобрување на услугите за граѓаните и компаниите. Анализирани се 31 административна постапка, а 15 од нив ќе бидат поедноставени до крајот на 2026 година, што ќе значи побрзи процедури, помалку административни пречки и поефикасни институции.
Паралелно, Владата на ВМРО-ДПМНЕ инвестира во модерна инфраструктура за управување со отпад. Испорачана е нова комунална механизација за општините, а се интензивираат подготовките за изградба на регионалните центри во Русино и Новаци, како и претоварните станици, додека центарот во Свети Николе е во напредна фаза на реализација.
Посебен приоритет на Владата на ВМРО-ДПМНЕ е транспарентноста. Затоа започна подготовката на дигитален регистар со јавно достапни информации за индустриските емисии, со што граѓаните ќе имаат директен увид во состојбите и работењето на институциите.
Во исто време се спроведува темелно усогласување на домашното законодавство со европските стандарди преку новиот Закон за климатска акција, како и новите закони за природа, животна средина и заштита на Белчишко и Студенчишко Блато.
Владата предводена од ВМРО-ДПМНЕ испорачува резултати.
Со конкретни реформи, силни инвестиции и јасна визија се градат почиста животна средина, поефикасни институции и повисок квалитет на живот за сите граѓани.
