Грчките царински службеници утрово штрајкуваат од 5 до 9 часот по македонско време, поради што има ограничувања на премините Евзони–Богородица, Ники–Меџитлија и Дојрани–Дојран. Патничките автомобили се пропуштаат во интервали од околу десет минути.
Товарниот сообраќај е целосно запрен за време на штрајкот. Грчките цариници бараат подобри услови за работа и исплата на додатоци за прекувремена, сменска, празнична и викенд-работа.
МВР информира дека македонските служби работат редовно и дека задржувањата зависат од постапувањето на грчката страна. По 9 часот се очекува постепено нормализирање, но можно е колоните да се расчистуваат подолго.
