Земјотрес со магнитуда од 4,5 степени ноќеска ја погоди Австрија, со епицентар во областа Земеринг, а беше почувствуван и во делови од Словенија.
Според австриската геолошка служба, потресот бил на длабочина од четири километри, а граѓаните пријавиле дека се почувствувал во источниот дел на Долна Австрија, Штаерска, како и во Виена.
Во земјотресот е причинета помала материјална штета, а пожарникарите интервенирале поради одрони од карпи на пат меѓу местата Шотвиен и Брајтенштајн.
Потресот го регистрирале и словенечките сеизмолози, кои соопштија дека бил почувствуван во северозападниот дел на Словенија./Извор:Makfax
