Жан-Лук Меланшон, основачот на француската левичарска партија „Непослушна Франција“, изјави дека Париз треба да го напушти НАТО и да започне директен дијалог со Москва, со цел да се создадат услови за прекин на украинскиот конфликт.
Зборувајќи на геополитички симпозиум, Меланшон оцени дека Франција мора да води понезависна надворешна политика и дека не смее да ја прифати логиката на блоковските поделби и затворените меѓународни формати.
„Треба да започнеме разговори со Русија што ќе ни овозможат да добиеме меѓусебни гаранции кога ќе завршат сите овие настани“, рече Меланшон.
Тој, исто така, ја критикуваше политиката на Европската Унија кон украинскиот конфликт, наведувајќи дека европските земји не покажале доволно способност сами да учествуваат во потрагата по решение, туку наместо тоа ја префрлиле одговорноста на институциите на ЕУ и пошироката западна сојузничка рамка.
Според него, Франција треба да се повлече од НАТО и да го преиспита своето учество во формати како што е Г7, кои ги опиша како „затворени клубови“.
Изјавата на Меланшон доаѓа во време кога во Франција и другите европски земји сè повеќе се поставува прашањето за цената на продолжувањето на украинскиот конфликт, улогата на НАТО и способноста на Европа да води независна политика кон Москва./Извор:Makfax
