Пратеничката Сања Лукаревска учествува на седницата на Комитетот за еднаквост и недискриминација на Парламентарното собрание на Совет на Европа (ПССЕ), и на меѓународната конференција за борба против антиромството во Атина.
Пратеничката Сања Лукаревска, заменик-член на Делегација на Собранието на Република Северна Македонија во ПССЕ) и член на Комитетот за еднаквост и недискриминација, учествуваше на двата значајни настани одржани во Атина на 28 и 29 мај 2026 година, во парламент ма Грција.
На 28 мај, Лукаревска учествуваше на редовната седница на Комитетот за еднаквост и недискриминација на ПССЕ, на која беа разгледани клучни теми поврзани со родовата еднаквост и недискриминацијата во европски рамки. На седницата беа усвоени нацрт-резолуции за насилна порнографија и за елиминирање на родовите стереотипи во медиумите, а дискусија беше водена и за влијанието на вештачката интелигенција врз родовата еднаквост. Покрај тоа, Комитетот разговараше и за влошувањето на правата на жените, со учество на активистки и пратенички, укажувајќи на потребата од итна меѓународна реакција.
На 29 мај, Лукаревска учествуваше на меѓународната конференција насловена „Моќта на меморијата: борба против антиромство преку наследство и култура“, организирана во рамките на Грчкиот парламент. Конференцијата се одвиваше во две тематски сесии. Првата сесија беше посветена на меморијата како форма на отпор и на зачувувањето на историјата на Ромите и патувачките народи во функција на борбата против антиромство, а втората сесија беше фокусирана на повраќањето на наративот и на улогата на ромската култура и идентитет во процесите на инклузија. Настанот претставува истакната платформа за размена на искуства и политики меѓу пратеници и претставници на граѓанскиот сектор од земјите-членки на Советот на Европа.
Учеството на пратеничката Лукаревска на овие настани ја потврдува посветеноста на нашата држава кон европските вредности на еднаквост, недискриминација и заштита на правата на ранливите заедници, а особено на ромската популација, чија борба за рамноправно место во европското општество останува меѓу најважните приоритети на меѓународната агенда за човекови права.
фото Собрание
ПОПУЛАРНО НА ИНТЕРНЕТ...
