Почина поранешниот министер, амбасадор и новинар Мартин Треневски, информираше неговото семејство.
Треневски е роден во 1949 година во Скопје, а зад себе остави значајна професионална биографија во новинарството, дипломатијата и јавниот живот.
Својата кариера ја започнал како новинар во Скопје, а подоцна работел и во агенцијата ТАНЈУГ, каде бил дописник од Австралија и Јужниот Пацифик. Во тој период активно ја следел македонската дијаспора и нејзините активности надвор од земјата. Треневски беше и автор на повеќе публицистички дела.
По осамостојувањето на Република Македонија, тој беше дел од првата влада како министер за информации, а подоцна ја извршуваше и функцијата министер во Министерството за иселеништво.
Во текот на дипломатската кариера, Треневски ја претставуваше државата како амбасадор во повеќе скандинавски земји, генерален конзул во Торонто, како и амбасадор во НАТО.
За својата долгогодишна работа доби повеќе признанија, меѓу кои и наградата „Мито Хаџивасилев-Јасмин“.
Погребот ќе се одржи утре на Градските гробишта Бутел.
ПОПУЛАРНО НА ИНТЕРНЕТ...
