По завршувањето на протестот кај Славија, во центарот на градот беа регистрирани инциденти на неколку локации. Дел од демонстрантите фрлаа шишиња и камења кон полицијата, по што следуваше полициска реакција.
Според информациите од терен, имало судири меѓу граѓани и полицијата, како и повеќе апсења. Во еден момент, лице во цивилна облека соборило демонстрант, кој потоа бил удрен со палка додека лежел на асфалтот.
На улицата Краља Милана влегле и возила за разбивање демонстрации, а на повеќе места биле забележани превртени контејнери.
