Променливо облачно и нестабилно, на повеќе места со пороен дожд, грмежи и засилен северен ветер (над 50 km/h). Локално процесите ќе бидат поинтензивни во форма на невреме со пообилен пороен дожд, грмежи, силен ветер (над 60 km/h) и услови за изолирана појава на град.
Во Скопје, променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со интензивен пороен дожд, грмежи, засилен ветер и изолирана појава на град.
Утринските температури ќе се движат од 9 до 19 степени, додека дневните ќе достигнат од 18 до 29 степени.
Најсвежо ќе биде во западните и североисточните предели, каде дневните температури ќе се движат околу 18 до 22 степени, додека најтопло ќе биде во југоисточниот дел од земјата, каде температурата ќе се искачи до 29 степени.
