Во Шанлиурфа, на југот на Турција, утрово се случи вооружен инцидент во средно стручно училиште во округот Сиверек, кога вооружен маж наводно влегол во училишната зграда и отворил оган од пушка.
Според „Дејли меил“, најмалку 18 лица се ранети, вклучувајќи и ученици.
Турските медиуми наведуваат дека напаѓачот е поранешен ученик на училиштето и дека извршил самоубиство.
Локалните медиуми неколку моменти претходно објавија дека напаѓачот останал во училишната зграда по пукањето, како и дека држел некои од учениците како заложници.
Полицијата веднаш го блокираше поширокото подрачје и воведе строги безбедносни мерки, додека специјални полициски единици и тимови за итни случаи беа испратени на терен./Извор:Makfax
