Пожар избувна во рафинерија за нафта во Уфа, главниот град на Руската Република Башкортостан, во текот на ноќта по напад со беспилотни летала. Инцидентот го објавија локалните власти и руските медиуми.
Шефот на Република Башкортостан, Радиј Хабиров, го потврди нападот.
„Напад со беспилотни летала се случи во Уфа. Неколку беспилотни летала беа соборени додека се приближуваа кон рафинериите за нафта, а остатоците од едно паднаа врз индустриски објект. Нема жртви. Пожарникарите се на местото на настанот“, рече Хабиров.
Тој исто така рече дека втор дрон удрил во станбена зграда, но таму нема повредени.
Снимките од пожарот беа објавени на социјалните мрежи, на кои се гледа густ столб од црн чад како се крева високо во воздухот./Извор:Makfax
