Авиокомпанијата „Емирати“ соопшти дека повторно ги активира летовите откако претходно денеска привремено ги суспендираше сите операции и ги повика патниците да не доаѓаат на аеродромот.
Во новото соопштение компанијата наведува дека операциите постепено се обновуваат и дека патниците со потврдени резервации за денешните попладневни летови можат да дојдат на аеродром.
„Нашата објава од 11:08 часот по време во Дубаи за оперативниот статус повеќе не е вежечка и е избришана за да се избегне непотребна конфузија. „Емирати“ ги продолжи операциите. Патниците кои имаат потврдени резервации за денешните попладневни летови можат да дојдат на аеродром. Ова се однесува и на патниците кои преседнуваат во Дубаи, доколку и нивниот поврзан лет се одвива според распоредот. Патниците можат да го проверат распоредот на претстојните летови, како и да резервираат места за патување на: http://emirat.es/nowoperating „Емирати“ продолжува да ја следи ситуацијата и во согласност со тоа ќе го прилагодува оперативниот распоред. Им благодариме на нашите патници за разбирањето и трпението. Безбедноста на нашите патници и екипажот е наш највисок приоритет и нема да биде доведена во прашање“, велат од компанијата./Извор:Makfax
ПОПУЛАРНО НА ИНТЕРНЕТ...
