НАТО ја зголеми својата балистичка ракетна одбрана на ниво на Алијансата откако пресретна ракета од Иран насочена кон Турција, соопшти нејзината воена команда.
Засилената одбрана ќе остане на сила сè додека не се ограничи заканата од „трајни и неселективни напади на Иран низ регионот“, објави полковник Мартин О’Донел, портпарол на Врховната команда на сојузничките сили во Европа, на платформата Икс.
О’Донел рече дека НАТО „совршено ја извршил“ својата ракетна одбрана во Турција.
„За помалку од десет минути, НАТО ја идентификуваше заканата за сојузниците, ја потврди траекторијата на балистичката ракета, ги алармираше системите за ракетна одбрана со седиште на копно и море и лансираше пресретнувач за да ја победи заканата и да ја заштити нашата територија и народ“, рече тој.
Генералниот секретар на НАТО, Марк Руте, изјави претходно дека Алијансата нема планови да ја активира својата клаузула за заемна одбрана од Член 5./Извор:Makfax
