Утрински температури до минус 13 степени, преку ден претежно сончево

Според прогнозата на Управата за хидрометеоролошки работи, на 1 јануари 2026 година утрото во земјава ќе биде ведро и студено, додека во текот на денот времето ќе биде претежно сончево.

Ќе дува слаб до умерен ветер од југозападен правец, што ќе придонесе за благ пораст на дневните температури.

Минималните утрински температури ќе се движат од -13 до -5 степени Целзиусови, додека максималните дневни температури ќе достигнат од -3 до 6 степени, во зависност од регионот.

Во Скопје, времето ќе биде сончево и студено, со умерен ветер од јужен правец. Утринската температура ќе биде под нулата, а во текот на денот ќе има услови за релативно пријатно зимско време со сончеви периоди.