Во елитниот швајцарски ски-центар Кран-Монтана, новогодишната прослава во еден бар завршила трагично, откако избувнал пожар и имало експлозии, при што загинале десетици лица.
Според соопштение на италијанското Министерство за надворешни работи, бројот на загинатите достигнува 40, а околу 100 лица се повредени.
Голем дел од повредените се со тешки изгореници, а швајцарските медиуми јавуваат дека болничките капацитети се преоптоварени.
Засега нема информации што би упатувале на терористички напад, но надлежните ја затвориле областа и вовеле забрана за летови.
