На 30.11.2025 во 11:00 часот на Граничниот премин Табановце, на влез во државата, полициски службеници лишиле од слобода 44-годишен државјанин на Австрија. При гранична контрола и извршени проверки во возилото „Фолксваген“ – кампер со австриски регистарски таблички, во неговиот личен багаж била пронајдена марихуана.
Лицето било предадено на полициски службеници од СВР Куманово. По целосно документирање на случајот, против него ќе биде поднесена соодветна пријава.
