Малите пратки од “Тему”, “Ebay”, Али експресс и други компании кои имаат онлајн продавници од сега ќе се оданочуваат со 18 проценти.
Со новите предлог законски измени се укинува прагот за оданочување од 22 евра за пратките испратени од правни лица од странство, па така сега сите пратки без исклучок ќе имаат ДДВ.
Измените кои ги предложија властите би требало да се најдат на собраниска седница најверојатно по изборите, а доколку Силјановска ги потпише истите ќе стапат во сила по 8 дена од објавата во Службен весник, а тоа значи за време на Новогодишните и Божиќните празници кога родителите за своите деца им купуваат подароци.
Оваа мерка ќе удри по џебот на граѓаните, но ќе ја наполни буџетската каса, според некои од проценките со ова државата ќе добива 60.000 евра месечно повеќе во својот буџет.
