Во Црна Гора од денеска започнува примената на правилата за задолжителни зимски гуми на патиштата опфатени со посебната државна наредба. Обврската ќе важи до 1 април 2027 година, а на останатите патишта зимските гуми се задолжителни кога има снег, мраз или голомразица.
Според црногорската Управа на полицијата, минималната длабочина на шарата на зимските гуми треба да изнесува четири милиметри. За возачите што нема да ги почитуваат пропишаните услови се предвидени различни санкции, зависно од прекршокот, вклучувајќи казни од 150 до 1.000 евра.
За правните лица се предвидени и повисоки казни, а полицијата најавува засилени контроли во зимската сезона. Информацијата е важна и за македонските граѓани кои патуваат со автомобил кон Црна Гора, бидејќи тамошните правила и рокови се разликуваат од македонските.
