Centar.mk – Вести, бизнис, забава, спорт…
-ЛОКАЛНО

Герасимовски: Го реконструираме училиштето „11 Октомври“, учениците добиваат модерни услови

Општина Центар започна со реконструкција на ООУ „11 Октомври“ во населбата Пролет, како дел од континуираните заложби за подобрување на условите во сите општински училишта.

Градоначалникот Горан Герасимовски информира дека во моментов се изведуваат градежно-занатски активности кои вклучуваат замена на подовите во 3 кабинети и 5 училници, обновување на подовите со стругање и лакирање во дополнителни 3 училници, гипсарски работи и предвидено е молерисување на целиот училиштен објект.

„Летниот период го користиме за подобрување на условите во училиштата во Центар. Оваа недела, неуморно работиме на реконструкција на школото ’11 Октомври’, за учениците да имаат подобра настава. Секоја реконструкција е вложување во иднината, а здравата, чиста и функционална средина е предуслов за квалитетно образование и за личен развој на учениците. Остануваме посветени на тоа сите деца во Центар да учат во модерни и безбедни услови, без исклучок“, вели Герасимовски.

Оваа реконструкција доаѓа по низа инвестиции во истото училиште, досега беше темелно реконструирана училишната трпезарија со површина од 165 квадратни метри, варосана беше фискултурната сала и беа целосно обновени тоалетите.

Можеби ќе ве интересира

Овој градоначалник ветува дека субвенцијата за новороденче ќе се зголеми од пет илјади на 30.000 денари

ДЕСК

Герасимовски: Обезбедуваме 200 канти за отпад од домашни миленици со бесплатни кесички

ДЕСК

Платила во туристичка агенција за патување 2.000 евра во кеш – ниту видела патување, ниту парите

ДЕСК