Во емисијата „Само интервју“ на Канал 5 лидерот на СДСМ Венко Филипче се осврна на економијата и животниот стандард на граѓаните, кој според него е сериозно нарушен.
“Луѓето сакаат систем, има ли систем во платите? Има ли раст на платите? Нема раст на минималната, нема раст на просечната плата. Минималната плата треба да биде 30.000 денари, а не е толку. Луѓето не можат да врзат крај со крај. Ние воведовме систем и минималната плата ја зголемивме неколку пати и согласно закон денес таа изнесува 24.000 денари а беше 8.000. Дали е законот бетон, не е и тој треба да се менува согласно потребите на луѓето. Дали има повисока инфлација од минатата година? Да, има. Дали трошоците за живот пораснаа? Да, пораснаа за 20%. Инфлацијата е поголема од растот на БДП“ порача Филипче.
Тој потсети дека СДСМ предупредувала дека со линеарното зголемување на пензиите, ќе се загрози стабилноста на пензискиот фонд.
„Владата не слушаше и сега нивните владини функционери велат пензискиот фонд е во ризик“ истакна лидерот на СДСМ.
НАЈЧИТАНО НА ИНТЕРНЕТ...
