40 годишна жена е тешко повредена утрово во Белград кога врз неа паднала голема реклама од познат супермаркет.
Според српските медиуми несреќата се случила на улицата Крушевац, кога врз неа паднал голем билборд!
Таа останала во несвест, а сограѓаните веднаш ѝ притрчале на помош и повикале брза помош.
Жената се здобила со повреди на главата и грбот, а голем број луѓе брзо се собрале на местото на настанот. Степенот на нејзините повреди засега е непознат. Истрагата за овој случај е во тек.
